أسما شريف منير تبكي على الهواء: "لو الشيخ الشعراوي عايش كان سامحني"
تأًسفت الإعلامية أسما شريف منير، بعد أن وصفت بعض أفكار الشيخ الراحل محمد متولي الشعراوي، بـ"التطرف".
وقالت أسما، أثناء مداخلة تليفونية مع الإعلامي عمرو أديب، مذيع برنامج "الحكاية"، عبر شاشة "MBC مصر": "عقب اللي حصل، مفيش عشرة دقائق، والدنيا اتطربقت فوق دماغي، وكتبت اعتذار، أنا عمري في حياتي ما أغلط في حد، أنا ضد التنمر، وضد الحاجات اللي فيها وحشية وأذى، حتى إذا حيوان".
وبكت أسما على الهواء، قائلةً: "اتشتمت شتايم مش قادرة أستوعبها، وعلى الرغم إني قلت آسفة، مشفتش كده في دنياي، لو الشيخ الشعراوي، إذا كان عايش كان مستحيل يبقى ردة فعله بالعنف ده، كان مؤكد سامحني، دي مش أخلاق دين".
وعن رد فعل أبوها، صرحت أسما، إنه وصفها بـ"الشخصية المتسرعة"، و"العفوية بشكل زائد عن الحد"، ونصحها بتجنب التصرف بهذه الطريقة.
وأفادت أنها إستلمت رسائل هجومية على تليفونها وحساباتها عبر منصات التواصل الالكترونية: "قفلت تليفوناتي وكل حاجة، وقعدت أعيط في السرير، أنا مقصدش وآسفة وبتأسف تاني".