خيانة مع سبق الإصرار بقلم الكاتب محمد إبراهيم عبدالعظيم‎

(قسم شرطة)

رئيس المباحث: أنطق يلا .. قتلتهم ليه؟.

فهمي : مش هقول اكتر من اللي قولته يا باشا .. وانا اهو مسلم نفسي ومش عايز حاجة تاني من الدنيا .

بيمسك الظابط موبايله وبيتصل برقم عنده وفتح الاسبيكر.. الموبايل رن و ثواني والشخص اللي اتصل بيه رد .. الظابط وقاله :  

مع سبق الإصرار بقلم الكاتب محمد ابراهيم عبدالعظيم‎

_ ايه يا ايمن .. عملت ايه ؟.

رد ايمن وقال : 

_ تمام يا باشا ..الجثتين في نفس المكان اللي المجني عليه بلغنا بيه.. بس المنظر بشع يا باهر بيه .. شكل الواد كان مغلول منهم جامد اوي.. حالا هبعتلك صورهم على الواتس .

هز الظابط راسه بأسى وقفل الموبايل ورماه قدامه بعصبية وحط راسه ما بين ايده، واقف فهمي قدامه بعيون شاردة وكلها دموع.

وصلت الرسالة على موبايل الظابط، فتحها ودهشته زادت وبدأ يركز في تفاصيل الصورة بعيون مفتوحة.

اتكلم فهمي وهو في نفس حالة الشرود وقال كأنه بيكلم نفسه: 

_ ولو رجع بيا الزمن كنت هعمل اكتر من اللي عملته .. لو أي حد مكاني وشاف اللي شوفته كان مصيرهم اللي شافوه مني أقل حاجة هيعملها فيهم.

خبط الظابط بكل قوة بإيده على طرف مكتبه وقال بعصبية وهو بيقوم وبيقرب من فهمي : 

_ اخرس خالص .. انت ليك عين تتكلم يا مجرم يا عديم القلب انت .

بص فهمي في عيون الظابط الثائرة وضحك بسخرية وقال: 

_ قلب!!.. ما هو السبب يا باشا .

غمض فهمي عينه وخد نفس عميق وكأنه بيجمع شتات نفسه وقال بصوت عالي وبجرأة بعظ ما فتح عينه:

_ أنا معترف يا باشا اني قتلت اتنين ومستعد البس البدلة الحمرا .. على الاقل هموت وانا مستريح.

وبالفعل اتسجن فهمي سجن انفرادي، كل التحريات اتعملت والبوليس موصلش لأي حاجة علشان كدا اتحكم على فهمي غانم الصيفي بالإعدام للقتل مع سبق الإصرار والترصد، بس الحكم متنفذش لان اللي حصل قلب كل الموازين .

اسمي حسام البحيري.. مش هقول حاجة عن نفسي اكتر من كدا، بس اللي خلاني اجي واحكي حكايتي او بمعنى اصح حكاية صحبي فهمي هو اني كنت شاهد عيان على كل اللي حصل، واللي حصل ابشع مما تتخيلوا.

الموضوع بدأ لما جالي فهمي وهو منهار وبيقولي : 

_ مش عارف اعمل ايه يشفي غليلي وناري يا حسام .. جوايا سواد وكره ونفسي أكلها بسناني .. بس عيونهم بصالي كل ما افكر انتقم منها .. هم اللي منعني اعمل اي حاجة فيها .

في الوقت ده حكالي فهمي على كل حاجة، الحكاية اللي خلتني مبلم وانا بسمعه ومش مصدق..

رديت عليه وبالفعل مكنتش لاقي كلام اقدر اواسيه بيه.. قولتله : 

_ حاسس بيك يا فهمي .. عارف انت تعبت قد ايه علشان تخليهم في احسن حال .

ولأول مرة أشوف فهمي _ صحبي وجاري من سنين اللي طول عمره قوي ومهما مرت بيه صعوبات وظروف_ ضعيف بالشكل ده.. لدرجة انه اترمى في حضني وفضل يعيط، كان عامل زي العيل الصغير رغم سنه .

ما هو بصراحة أنا بعذره، فهمي خد ضربة شديدة اوي وقعته لتحت الارض .. صدمة كفيلة انها توقع اي راجل اينكان قوة ارادته وشخصيته ايه.

قولتله وانا بحاول اشيل عنه رغم اني عارف اني هفشل : 

_ روح اتوضا وصليلك ركعتين واشتكي لله .. هو عليم واحن عليك من اي حد .. وخليك واثق انه هيعوضك خير عن كل اللي شوفته واللي حصل معاك.

رفع راسه من على كتفي وقالي : 

_ تعبان اوي يا حسام.. مغلووول اوووي .. وحرقه في قلبي عمرها ما هتروح .. ١٣ سنة من الغربة والتعب والقرف لقيتهم بيترموا قدامي في ثواني .. ولادي يا حسام .. ولادي اللي ...

مقدرش ينطق الكلمة اللي كنت عارفها كويس، حطيت نفسي مكانه دقيقة حسيت اني عايز اولع في كل اللي كان السبب في اللي حصل، حتى رغبته في الانتقام كانت هينه على اللي كنت هعمله فيهم لو كنت مكانه.

لقيته هدي شوية وقالي بنبرة هادية : 

_ عايزك تيجي معايا عند المحامي يا حسام .. انا حاسس اني ممكن يغمى عليا في اي وقت .. خليك معايا يا صحبي محتاجلك.

من غير ما ارد عليه سندته وقمت انا وهو وركبنا عربيتي وروحنا للمحامي، لما وصلنا قعدنا شوية في الاستراحة بتاعته لما السكرتيرة قالتلنا انه مشغول ودقايق وهيقابلنا.

قعدت وجنبي فهمي اللي ماسك موبايله وبيقلّب في صور مازن ومعاذ .. كان نفسي اكمل واقول مازن ومعاذ ولاده لكن مش قادر حتى انطقها.

كنت عايز اخد منه الموبايل لما لقيته هيبدأ ينهار، بس في اللحظة دي انتبهنا انا وهو على صوت السكرتيرة اللي قالتلنا : 

_ اتفضلوا .. استاذ عبدالعاطي في انتظاركم . 

قمنا والسكرتيرة فتحتلنا الباب ودخلنا، اتقفل من ورانا واحنا باصين للمكتب الكبير اللي وراه قاعد المحامي .. قالنا بإحترام : 

_ اتفضلوا استريحوا.

قعدنا انا وفهمي اللي بمجرد ما قعد بص في الارض وبدأ يتوتر، بدأ المحامي كلامه وقال: 

_ أظن ان حضرتك استاذ فهمي مش كدا.. تمام .. انا طبعاً مقدر موقفك .. انا اه قرأت ملفك وبإختصار عرفت ان في موضوع خيانة وحضرتك عايز ترفع عليها قضية .. تسمحلي تحكيلي الموضوع بالتفاصيل المملة .. علشان اقدر اساعدك.

وبدأ بصعوبة يحكي فهمي اللي حصل معاه، كنت قاعد وسطهم وبسمع الحكاية للمرة التانية.. بس المرادي اكتشفت ان في تفاصيل زيادة وبدأ فهمي يتكلم : 

( بعد ما اتخرجت وبقيت مهندس مدني قولت الحياة هتفتحلي دراعتها أخيراً.. خصوصاً اني وحيد ابويا وامي الله يرحمهم.. وزي ما بيقولوا كدا مقطوع من شجرة.. مبقاش ليا حد غير ربنا اللي توكلت عليه وبدأت أنزل مواقع وأشغل وقتي بشغلي وبحلمي اللي بسعى عليه من وانا لسه في الكلية .. قاعد في الشقة اللي ابويا سابهالي وحياتي كانت مستقرة .. اصحى الصبح انزل الموقع واطلع الشقة على النوم.. كنت فاكر ان الحياة هتمشي بنفس الوتيرة دي لكن كنت غلطان .. لاني في يوم كنت معزوم على فرح مهندس صاحبي وهناك شوفت اللي خطفت قلبي من نظرة واحدة.. 

كل اللي كانوا في الفرح مشغولين .. اللي بيرقص واللي بيتكلم واللي ساكت .. اما انا عيني متشالتش من عليها.. لدرجة انها لاحظت نظراتي وبدأت هي كمان تبادلني نفس النظرات.. شدني فيها عيونها العسلي وضحكتها اللي كانت بتنور وشها لا ارادي .. وخلص الفرح وكل واحد راح لحاله الا قلبي فضل متعلق بيها وعيني نفسها تشوفها مرة تانية.. وسهرت الليل في اليوم ده على صورتها اللي رسمتها في خيالي وضحكتها اللي بتخلي قلبي يدق بقوة لما افتكرها .. من يومها واكتشفت اني بالفعل وحيد ماليش حد .. علشان كدا تاني يوم روحت للمهندس اللي كانت خطوبته اليوم اللي عدى.. لما شوفته لقيته بيضحك وبيقولي : 

_ شهد يا سيدي .. اسمها شهد .. عارف لهفتك وانت جاي عليا .. يا راجل دانت مشيلتش عينك من عليها لحظة.

اتصدمت بس استريحت لاني مكنتش عارف ابدأ كلامي معاه منين.. قولتله : 

_ حسن انا عايز اعرف اكتر عنها.. بصراحة نويت اخطبها .

ابتسامته بقت عريضة وسابني وهو بيقولي ( هعرفلك كل حاجة من خطيبتي واقولك.. متقلقش مش هقول لحد على اللي قولتهولي).

وانشغلنا في الشغل انا وهو.. وفي نفس اليوم بالليل لقيته بيتصل بيا .. رديت عليه ولما سألته ايه الاخبار قالي(......