قصه حقيقيه رعب عماره رشدى للكاتب احمد محمود محمد

 قصه حقيقيه رعب عماره رشدى للكاتب احمد محمود محمد


صدقنى لو هتسكن فى مكان مرعب مش هيكون اغرب من العماره دى لو انتا جاى على عماك ومتعرفش بيحصل فيها ايه ومتخيل انك تعيش فى امان وحياه طبيعيه هاديه احب اطمنك واقلك متفرحش اوى كده



قصص رعب,قصص رعب حقيقية حدثت بالفعل,رعب محمد جويلي,رعب احمد يونس,قصص رعب انيميشن,قصص رعب محمد جويلي,محمد جويلي,قصص جن حقيقيه,قصص رعب واقعية حقيقية,احمد يونس,محمد خيري,رعب,رعب الراوي,أشهر قصص الرعب الحقيقية,قصص رعب قصص رعب,قصص مرعبه,قصص جن احمد يونس,رعب عمارة رشدي,قصص رعب احمد يونس,قصص رعب للمتابعين,قصص واقعية حقيقية,رعب عمارة رشدى,رعب حقيقي,قصص رعب ياسمين,قصص رعب نصف الليل,قصص مرعبة,قصص حقيقية,قصه عماره رشدي,قصص رعب حقيقيه,رعب بالفعل



60 سنه من الرعب والخوف والفزع 60 سنه من الحوادث الشنيعه اللى بتحصل ومش ببالغ


عماره فى مصر.. تحديدا فى الاسكندريه اتشهرت بسرعه واسعه بسبب اللى بيحصل فيها


عماره رشدى او عماره الاشباح العماره اللى اتأسست سنه 61

واللى بناها كان خواجه يونانى اسمه برديس لما قرر ينزل مصر مع مراته واولاده الخمسه


وكان كل امله ينعم بحياه هاديه ومثاليه فى بلد الامن والامان


وبعد تلات ايام بالظبط من سكنته للبيت او المبنى ده دى كان متعود يصطاد ديما مع اولاده كلهم ويعلمهم الصيد لاكن فجأه ماتوا كلهم وهما فى البحر بيصطادوا


ودى كانت حادثه غريبه من نوعها واختلفت الاقاويل فى موتهم بس كلهم ماتوا


بعدها بأيام الزوجه كانت حاسه باليأس والاحباط والوحده المدمره فقررت تبيع المبنى وترجع تانى اليونان


خصوصا انها مكنتش تعرف حد فى مصر خالص مكنش ليها الا جوزها واولادها اللى ماتوا


وكانت موافقه على اى سعر المهم تخلص من المبنى وتمشى من مصر فى الوقت ده استغل محسن بيك الموقف واشتراها منها


ولو متعرفش ده مين احب اقولك ان ده كان فى الوقت ده اكبر واشهر تاجر اخشاب فى مصر كلها بس كان عاوز يستفيد من مساحه المبنى الكبيره


فقرر انه يحولها لعماره بأدوار ويقسمها شقق ويأجرها وفعلا اتحولت من مبنى لعماره


واول ناس سكنت العماره دى كانت عيله بسيطه جدا مكونه من خمس اشخاص اب وام وتلات اولاد وكانت شقتهم فى الدور الاول وبعد سكنهم بأربع ايام يحصل حريق كبير جدااا يدمر الشقه كلها والاب يموت محـ ـروق


وميعديش كام يوم ويجى دكتور وطلب من صاحب العماره انه يأجر شقه الدور الثانى لأنه هيفتحها عياده..


وفعلا جاب العمال واشتغلوا فيها وشطبها كويس وجاب كل الادوات والالات اللى هيحتاجها فى عيادته وميعديش الا اسبوع تحديدا قبل الافتتاح ب 24 ساعه ويموت الدكتور ده فى حادثه عربيه..


واحد يقلى طاب ما ممكن ده يكون صدفه وعادى جداا يعنى. اقولك يمكن بس اللى هتسمعه دلوقتي هيأكدلك انها مش صدفه


فى يوم جات شركه احنبيه وقررت تأجر الدور التالت والرابع وتخليها مقر ليها فى مصر وبعد ماا جهزت كل حاجه فجأه تعرضت لخسائر ضخمه جدا


لدرجه انها اعلنت افلاسها وصاحبها تاتى يوم لقيوه منتحر وشانـ ـق نفسه جوه العماره بسبب الديون


ميعيديش اسبوع من الحادثه دى الا وأن فيه شاب كان داخل على جواز وكان بيدور على شقه مويسه يأجرها ويستقر فيهااا


فعرض عليه واحد صاحبه انه يشترى شقه فى عماره رشدى وصاحبنا ده سمع كل اللى حصل فى العماره دى بس هوه مكنش مؤمن بعالم الماورئيات والاشباح وكده


فجاب العمال وقرر انه يشطب الشقه عشان خلاص بقا يتجوز فيها والعمال فضلوا شغالين فى الشقه دى اسبوع كامل


وكلهم بيأكدوا انهم كانوا ديما يسمعوا صوت جاى من الحمام ومحدش كان عارف ده صوت ايه..


ولما قالوله انكر على كلامهم واتهمهم بالتخريف وصمم انهم يكملوا شغل فيها. وبعد ما خلصوها والعريس خلص فرحه واخد عروسته وطلع على شقته فى العماره بمجرد ما دخل


سمع صوت غليان زى صوت غليان البركان بالظببط وفجأه يلاقى حيطان الشقه كلها بتنشع دم بطريقه رهيبه ومرعبه


ومش كده وبس دى كمان الحنفيات اشتغلت مره واحده وكانت بتنزل دم برضوا. ومراته فضلت تصرخ بصوت عالى لما شافت قط كبير اسود واقف فى الصاله ومبرقلهم


فجأه بيلاقوا السرير بيتشال ويتهمد على الارض ومن شده الخوف والرعب اللى اتمكن منهم قرروا انهم ينطوا من البلكونه


ولحسن حظ الزوج انهم كانوا فى الدور التانى اما الزوجه دخلت اخره قبل ماتخش دنيا وماتت


السكان والجيران بيأكدوا انهم بيسموا اصوات صراخ او اصوات غريبه طالعه من العماره


بس ميعرفوش دى اصوات ايه.. اس كتير طلعت بفيديوهاات غريبه لحاجات وخيالات متصوره جوه العماره بس مش من جوه لأ فى بلكونات الشقق اللى بتطل على الشارع


ناس تانى بتحكى قصه شاب كان شغال موظف فى شركه وقرر انه ياخد سكن قريب من شغله... وبعد دخوله العماره بأسبوع محدش سمع عنه حاجه خالص ولا كان بيروح شركته ولا كان حد حاسس بيه اصلا


لحد ما الناس اتأكدوا انه جوه شقته وبلغوا البوليس اللى جه وكسر باب الشقه وللأسف لقيوا الشاب ده مقتول ومرمى وتقريبا متحلل فى الصاله بتاعت شقته


ومن يومها ناس كتير اتأكدت ان العماره دى مسكونه حرفيا مكنش فيه حد بيسكن العماره دى الا لو كانت بتحصل معاه كارثه


وبيحكى راجل قصته وبيقول انه جه وسكن العماره دى وانه كول الليل وهوه نايم لوحده كان بيسمع اصوات همس قريبه منه وكان بيحس انه نايم على حاجه خشنه اوى


كان حرفيا بيحس ان السرير عباره عن صخره لاكنه بيتفاجئ الصبح لما صحى انه لقى الاساس بتاع الشقه كله حرفيا متكسر الف حته


والدم ملطخ الكراسى كلها ومن اول ما شاف المنظر ده وهوه مذهول ومن يومها وهوه بيمر بأزمات نفسؤه وحشه جدا


واللى يخليك تستغرب اكتر ان العماره دى زيها زى اى عماره فى النهار الشمس بتكون منوراها


لاكن عماره رشدى بيحكى عنها واحد ساكن فى العماره اللى قصادها وبيقول انه مشفش اى حاجه حصلت فيها لأكنه بيسمع بس بيكون مستغرب ديما


انه لما بيبص من شباك اوضته على العماره دى بالنهار بيلاقيها مضلمه بطريقه غريبه ومش باين منها حاجه مع ان الشمس بتكون منوره الدنيا كلها وكل العماير


الا العماره دى اللى حرفيا شبابيكها بتكون سوده ولاكن فى مره لاحظ ان فيه حد بيتمشا فى بلكونه من البلكونات


والحد ده لاحظ انى شفته فبدأ يقرب منى وانا خُفت ودخلت شقتى وبعدها ببص لقيته اختفا خالص بس اقسم بالله متأكد انى شُفته كويس اوى


وبعدها بكام يوم جه شاب للعماره دى وقرر انه يسكنها ويثبت ان مفيش اى حاجه فيها وأن كل اللى اتقال عباره عن خزعبلات


ويعدى اسبوع بالظبط والراجل ده ساكن جوه العماره لحد ما فى اخر نهار اليوم السابع خرج من العماره وعلمات الرعب والفزع على وشه وطب ساكت ومات فى سعتها


والناس قررت انها تتجمع وتجيب شيوخ للعماره دى يعنى لو فيها جن وعفاريت وكده يشفولها حل والناس بتقول ان الشيوخ جات فعلا ودخلت العماره


لاكنهم طلعوا على السلالم ملقيوش الشقق ولا ابوابها اصلا


وبعدها قرروا قفل العماره دى علشان اللى حصل فيها وجابوا طوب واسمنت وفعلا قفلوا المدخل بتاعها خالص


ورغم كل اللى قلناه ده الا ان فيه ناس من سكان المنطقه بتأكد ان الحوادث دى محصلتش اساسا وقالوا ان الورثه اختلفوا على العماره بعد موت صاحبها وواحد فيهم بقا يطلع اشاعات عشان يطفش الباقيين


وفيه مجموعه تانيه بتأكد انها حصلت وان العماره مبنيه على ارض كانت كلها مقابر


وفى 2012 اتعملت موبادره على فيسبوك خاصه بالعماره دى مجموعه شباب حبوا يأكدوا للناس كلهم ان مفيش حاجه والعماره تمام


وراحوا للعماره وطلعوا للبلكونات بتاعتها وفضلوا يشاوروا للناس من فوق اللى هوه مفيش حاجه متقلقوش


الغريبه ان الشباب كلهم بيأكدوا ان العماره ليه على المحاره يعنى لا فيه دهانات ولا اى حاجه خالص وده معناه انها لسه متسكنتش لحد دلوقتي


اومال كل القصص اللى قلناها دى ايه واللى سكنوا الشقق ووضبوها دول ايه؟!


وده اللى أكد لناس كتيره ان كل اللى اتقال خرفات مش اكتر لحد سنه 2013 جات شركه اسمها هيرتاج ورئيس مجلس الاداره اسمه عمرو حبيب واشترت المبنى ده كله


وبدأو فى تجديده وترميمه بالكامل لحد ما العماره حرفيا بقت تحفه معماريه جميله جدااا محدش يشوفها ابدا ويصدق ان دى عماره رشدى اللى كانت بيتحكى عنها حكايات زمان


وعاوز اقولك لحد دلوقتي ان فيه ناس طتير بتخاف تمشى جمب العماره رغم كل التجديدات اللى حصلت ليها


ومش كده وبس ده فيه ناس لسه لحد اللحظه دى مقتنعه انها لسه فيها عفاريت


لاكن عمرو حبيب طلع واتكلم وقال انه دخل العماره مع الحارس ولقاها لسه على المحاره وكمان مفيهاش حنفيات طاب ازاى الحنفيات كانت بتنزل دم؟!


وكمان ناس كتيره جهقالت ان حتى لو العماره اتجددت حتى لو دفعتوا لينا فلوس كمان مستحيل نسكن فيها


بس هنا وانا اكون حكيتلك كل حاجه عن العماره دى وسايبلك تقول رأيك فى كومنت هل فعلا العماره دى مسكونه ولا لا؟!

وهتلاقى صوره العماره بعد التجديد ف اول كومنت


تعليقات



حجم الخط
+
16
-
تباعد السطور
+
2
-