الشيخة نادية دجالة ابيس بقلم محمد مهني

 الشيخة نادية دجالة ابيس بقلم محمد مهني



في التسعينات وتحديدا سنة 1999 ظهرت معالجة روحانية وكانت مشهورة جدا في الفترة دي.. وكان اسمها الشيخة نادية.. كانت بتعالج الناس من الامراض الخطيرة.. ومن المس والسحر والربط!...




الشيخة نادية القالمية,الشيخة,نادية,الشيخه,نادية عمارة,الشيخات,ناديه,الشيخة نورة وابداع جديد 01092992364 كفر الشيخ الخادمية,نادية عمارة منى الشاذلي,نادية عمارة مع منى الشاذلي,نادية عماره مع منى الشاذلي,د\ نادية عمارة,قناة الحياة,ناديه عماره و مني الشاذلي,الشيخات المغربيات,شبكة تلفزيون الحياة,الحياة,دماغ عالية,شيخة,حادثة,العبدية,اكرام العبدية,الزنا,الدين الإسلامي,الشعبي,الشطيح,البشير,الشعوذة,الموسيقى الشعبية,السعادة الحقيقية




تعالوا اما نعرف مع بعض مين الشيخة نادية...


اسمها بالكامل " نادية معوض طه محمد حسن" وعايشه في منطقة اسمها " ابيس" بالاسكندرية.. هي ست متزوجه وعندها طفلة عمرها خمس سنين... و عايشه مع والدتها واخواتها الاتنين.. اخواتها الاتنين كانوا بيساعدوها ف جلساتها.. واحد من اخواتها كان دكتور وكان مدير اعملها.. بياخد المواعيد وبيحضر المريض قبل ما يدخل للشيخة...



اشتهرت الشيخة نادية بانها معالجه روحانية.. بتعالج الناس من الامراض الصعبة.. سواء كانت جسدية زي مثلا امراض ( انسداد بشريين القلب.. الغضروف والقرحة .. والبواسير.. والشلل) وكمان بتعالج الناس من الامراض الروحية وهي المس والسحر والربط والصرع!...



الشيخة نادية كانت بتعمل جلسات العلاج في بيتها.. وتحديدا في ساحة واسعة عبارة عن خيمة كبيرة.. وتحت الخيمة دي بيكون واقف الالف من الناس.. رجاله وستات واطفال.. كل واحد فيهم عنده مرض شكل.. اللي ملبوس من الجن والشياطين.. واللي معمول له سحر اسود..



كان بيجي للشيخة نادية ناس مثقفه.. مش ناس فقراء وجهلة بس... يعني هتلاقي الدكتور والظابط والمهندس.. كانوا بيجيوا للشيخة نادية طالبين منها بركتها!....



كانت حرفيا وقتها اشهر معالجة ف مصر كلها!...


كده عرفنا مين هي الشيخة نادية.. طب جلساتها دي بتتعمل ازاي؟!


جلساتها بتكون في يوم واحد.. وبتكون جلسة جماعية ف الساحة اللي قصاد بيتها.. الشيخة نادية بتكون واقفه وماسكه مكروفون.. وناس كتير جدا واقفين ف الخيمة.. وبتفضل الشيخة نادية تردد ايات التحصين وصوتها بيكون طالع من السماعات اللي متعلقة.. وكان في حاجات غريبة بتحصل وقت ما الشيخة نادية بتردد ايات التحصين.. بيبدأ يظهر اعراض غريبة ع المرضى اللي واقفين.. يبدأ الممسوس مثلا او المسحور منهم يصرخ جامد ويصيبه حالة صرع.. ويقع على الارض ويفضل يتمرمغ زي التعبان! وهنا يجي دور رجالة الشيخة نادية اللي بيكون واحد منهم هو اخوها.. اخوها يجيب الحالة دي والشيخة نادية هنا تعمل حاجة اغرب؟ تحط صوابع ايديها ع بوقها.. وده يعني عشان تطلع الجن اللي بيساعدها.. وبعدها تحط ايديها ع راس المريض.. وتبدأ تردد ايات التحصين.. لحد ما الحالة تهدى وتعلن الشيخة نادية انها خلاص طلعت الجن اللي عليه!....



ومن الحاجات المرعبة والغريبة للي كانت بتحصل ف الجلسة.. ان في حالات بتضرب؟ يعني مثلا حالة .. ست اول ما سمعت ايات التحصين ووقعت ع الارض وهي بتصرخ.. فرجالة الشيخة نادية يجيبوها.. وتأمر اخوها انه يضرب الممسوسة او المسحورة ف مكان معين.. والمكان ده بيكون هو المكان اللي ف الجن! تقول لاخوها يضرب هنا لحد ما الحالة تجيب دم وبعدها تعلن انه خلاص الجن خرج!...



الجزء التاني



من الحاجات المرعبة والغريبة للي كانت بتحصل ف جلسة الشيخة نادية.. ان في حالات بتضرب؟ يعني مثلا حالة .. ست اول ما سمعت ايات التحصين ووقعت ع الارض وهي بتصرخ.. فرجالة الشيخة نادية يجيبوها.. وتأمر اخوها انه يضرب الممسوسة او المسحورة ف مكان معين.. والمكان ده بيكون هو المكان اللي ف الجن! تقول لاخوها يضرب هنا لحد ما الحالة تجيب دم وبعدها تعلن انه خلاص الجن خرج!...



في حالات بتكون محتاجة كذا جلسة ودي الحالات الشديدة.. في الاول بتقول للحالة شوية نصايح تتبعها زي انها تنام ع وضوء وتقرا ايات التحصين.. وتصلي لمدة عشر ايام وبعدها تيجي للشيخة نادية عشان تعمل لها جلسة وتأكد ان الجن خلاص خرج من جسدها!...




اللي كان بيحصل في الجلسات عجيب وغريب.. حاجات مافيش عقل يصدقها.. وبالرغم من كده كانت الشيخة نادية مشهورة جدا في مصر كلها.. وناس كانوا بيجولها من كل مكان!..



كده انتم عرفتوا الشيخة نادية وعرفتوا ايه اللي بيحصل في جلساتها .. تعالوا بقى احكيلكم قصة لحد من اللي راحو للشيخة نادية.. الشخص ده كان طبيب وحد مثقف...




كان في دكتور اسمه " محمد ابو المعاطي حسانين " مقيم في استراليا من 29 سنة.. واتعمل معاه حديث صحفي مع جريدة اسمها " الاسبوع " في سنة 1999 واتكلم عن الشيخة نادية.. وقابلها شخصيا وعالجت اخوه من مرض سرطان القولون!...



بيحكي الدكتور " حسانين " وبيقول ان بداية معرفتي بالشيخة نادية لما اخواتي اتصلوا بينا اني انزل مصر عشان اخويا مريض بالسرطان وحالته خطيرة! نزلت ع طول مصر وعرفت بعدها ان اخويا عنده سرطان القولون.. واتعمل له تحاليل في 3 معامل كبيرة ولدكاترة كبار.. وكل مستشفيات المنصورة فشلوا ف علاجه او حتى اجراء عملية استئصال للقولون.. وده بسبي سوء الحالة الطبية للكبد والقلب!...



الدكتور حسانين وقتها سمع من اخواته عن ست اسمها الشيخة نادية.. وعايشه في قرية اسمها ابيس.. اخواته قالوله انهم عايزين يروحوا للشيخة وجايز يكون علاج اخوه ع ايديها .. وقالوله كمان ان الشيخة نادية معالجة مشهورة جدا وناس كتير بيتكلموا عنها ... 


الدكتور حسانين رفض الاول لانه حد متحلم ومثقف.. لكن بعد الحاح كن اخواته وافق وراح لها....


بيقول الدكتور حسانين.. ان اول مرة شفت فيها الشيخة نادية قلت انها ست عادية.. وخاصة انها ماطلبتش اي مبلغ مالي او هديه.. ولا حتى عرفت اسم المريض.. او اي معلومة زي مابنشوف من الشيوخ دول اللي بيعرفوا اسم المريض.. من قبل ما اهله يعرفوا باسمه وتفاصيل حالته...



وقال الدكتور " حسانين " بالنص " اشعر الان بالخجل لانني تشككت فيها في البداية"!.. و كمل الدكتور كلامه ووصفه للشيخة نادية... انه قدر  يقابل الشيخة نادية 3 مرات بمفرده.. وقدر انه يكون قريب منها... وسمع الادعية اللي كانت بترددها خلال جلوسها مع الحالات اللي بتتعرض عليها...


وبيكمل حديثه وبيقول " حسانين" ربنا اراد الشفاء لاخويا ع ايد الشيخة نادية.. واللي مش مصدق ان اخويا ربنا شفاه من السرطان .. بطلب من اكبر الدكاترة انهم يكشفو عليه ويتاكده من حالته الصحية...


كمان بيقول الدكتور حسانين ان انت عشان تدخل للشيخة نادية فده يعتبر مستحيل؟!


 قال الدكتور حسانين انه مقدرتش ف الاول يدخل لها.. لكن في حد من الحراس قالي لازم تروح الاول تقابل الدكتور؟ ولما سالته مين الدكتور وايه طبيعة عمله؟.. قالي انه اخو الشيخة نادية.. وده وظيفته تمهيد الحاضرين قبل ما يقابلو الشيخة... تمهيد بمعنى قراءة الادعية والاوردة .. يعني عمل جلسات تسخين طويلة لنزع الجن من اجساد المرضى.. وبعدها المريض يقابل الشيخة...



فعلا الدكتور حسانين قابل الدكتور و وافق انه يدخله في مكان جلوس الشيخة نادية... قعد في مدخل بيتها وكان ف بلكونة ارضية.. وكان ف سور بيفصل الشيخة عن المرضى اللي واقفين ف الخيمة... قعد الدكتور مستني لحد ما خرجت الشيخة نادية بعد ساعتين وبدأت جلستها بقراءة الادعية.. وكانت بتمتم بكلمات غريب... وفجاة بدأ عشرات من الحالات اللي واقفين تقع وتصرخ عشان يعلنوا عن حضور جن في اجسامهم!.. 



ارتفعت اصوات الصرخات من كل المرضى! والشيخة نادية كانت بتمد ايديها وتحط صوابعها داخل فمها .. عشان يعني تخرج الجن اللي ف جسمها اللي بيساعدها في شفاء المرضى.. وبعدها تحط ايديها ع راس المريض.. عشان بعدها المريض يفضل يصرخ! وهنا اخو الشيخة نادية يضرب الحالة بالعصايا! ودي عصايا من جريد النخل.. مخصصه لضرب الجن واخراجه من اجساد المرضى!.. 



اللي بيجي للشيخة نادية مش الفقراء والبسطاء بس! اللي بيجلها كمان ناس مثقفة وعندها درجات علمية وادبية! بيجلها دكاترة وظباط ... وناس اصحاب مراكز ادارية مرموقة!...



فضلت الشيخة نادية تمارس عملها وجلساتها واستقبال المرضى.. لحد ما اتقبض عليها... وف 8 ديسمبر سنة 1999 اتحكم عليها من محكمة كفر الدوار بالسجن 3 سنين وغرامة 500 جنية... وقضت المحكمة برضه لواحد المواطنين بالتعويض المدني.. لان الشيخة نادية اتسببت اثناء علاجه في اضرار صحية ليه!..



كده عرفنا حكاية الشيخة نادية... طب هنا السؤال هي ازاي بقت معالجة روحانية؟ ايه السبب اللي خلاها تتجه للعلاج الروحاني؟... موضوع دخولها للعلاج الروحاني وراه حكاية كبيرة للشيخة نادية؟ بتقول الشيخة نادية انها اصيبت بسحر اسود.. وربنا اراد انها تشفى منه.. 



ومن هنا بدأت رحلة دخولها للعلاج الروحاني؟!



بتحكي الشيخة نادية وبتقول:


انا اولا مكنش عندي قناعة بموضوع " اللبس" كل الحكاية ان كان ليا اخ سلوكه اتغير للنقيض؟ يعني كان شاب طبيعي جدا لكن فجاة بدأ يحصل معاه حاجات غريبة جدا؟ فجاة بقى يقول انه شايف جن وبيكلموه وبيسمع صوتهم ف ودنه!.. بقى حرفيا زي المجنون! ..


ومن هنا بدأ الناس تنصحنا باننا نروح نعالجه عند شيخ بالقران.. وفعلا جالنا شيخ عشان يعالج اخويا... وانا قبل ما الشيخ يجي بفترة صغيرة كنت عملت عملية في دراعي بسبب اني وقعت وحصل كسر.. وعملت جبيرة لدراعي.. واتفاجئت وانا بعمل العملية وبعد ما فقت من البنج.. لقيت نفسي بردد اية الكرسي.. وانا بفوق من التخدير... 



بعد العملية بايام جالنا الشيخ عشان يقرا على اخويا.. ووقت ما كان بيردد ايات من القران.. فجأة الشيخ بص لي وقال انتي عندك شيء؟ بمعنى اني بمتلك قدره روحانية! اخدت الموضوع بتهريج.. ولكن الشيخ قال ( انا هقرا عليكي ) هو اخد الموضوع تحدي.. لان انا فضلت اضحك ع كلامه..  هو اصر انه يقرا عليا.. وفعلا بدأ يقرا عليا.. وفجاة لقيت دراعي اللي عليه جبيرة بدون ارادة مني بدأ يتحرك بقوة كأن ايدي بقت مروحة!... 



كنت واعية لكل حاجة بس مش قادرة اسيطر ع ايدي! وهنا الشيخ قال: لو كان ف سحر فيقف الدراع حالا! وفعلا دراعي وقف من غير ارادة مني.. ومن غير ما انا اوقفه! انا استعجبت وخفت جدا! وكنت ف حالة ذهول... و كنت ف حالة صدمه اني مسحورة!.. لان طول عمري ماستببتش ف اذى لحد.. فليه حد يسحرني؟!



الشيخ قالي بعدها انتي مشوارك طويل اوي وسحرك خطير جدا! .. ومن وقتها دخلت التحدي مع نفسي.. وبدأت اعالج نفسي بنفسي زي ما علمني الشيخ... كنت اقرا في المصحف الشريف واصلي صلاة قضاء الحاجة.. 



واكتشفت وقتها ان فيه حاجات غريية بتحصل حواليا بسبب السحر.. يعني مثلا بنتي الصغيرة اللي عندها خمس سنين... مريضه بمرض عقلي.. مرضها ده مخليها بدل ما هي خمس سنين.. عايشه بعقل طفل عمره شهرين... 


الناس نصاحوني وقالولي ان فيه شيخ في المنوفية.. روحيله وهيقدر يعالجك ويعالج بنتك.. انا فعلا رحت له وعرفت منه ان اللي فيا وفي بنتي كان بسبب السحر.. 


ده غير الحاجات الغريبة اللي كانت بتحصل معايا.. بدأت امسك المصحف واصلي.. وموضوع العلاج مخطرش ع بالي ابدا.. ومكنتش متوقعه ان اعالج حد!... 


بداية دخولي للعلاج الروحاني؟!.. 


لما قالي الشيخ ان جسمك شفاف.. وعشان كده مش بغيب عن الوعي.. ومن السهل اني امرض بسهولة وتحصل لي مشاكل .. وهفضل هدف للشياطين والحاجات الغريبة! لكن مع الوقت فوجئت ان بقيت اقدر ع محاربة الشياطين ومكنتش اعرف ده.. عرفت ده لما سمعت وانا صاحية مش ف حلم اصوات بتقولي: احنا ناس كويسين.. وهنعلمك وهنساعدك! فلقت لهم: لو كنتم عاوزين مساعدتي شيلوا السحر عني وعن اخويا وبنتي... فقالولي موافقين.. لكن بشروط؟ فقلت لهم طالما فيه شروط يبقى انتم مش صادقين.. لو صادقين فعلا اتنازلو عن الشروط؟ وافقو انهم يتنازلو عن الشروط.. وحددوا لي ساعة عشان يجوا ويوقفو السحر اللي عليا.. 



في الساعة المحددة اللي الجن كان اتقف انه هيجيلي.. كنت قاعدة لواحدي.. وبعد ما صليت ركعتين لله.. مسكت المصحف عشان اقرا فيه زي ما انا متعوده... فجاة وانا بقرا حسيت ان في حاجة جنبي زي مايكون هوا.. فمسكت المصحف وتبت فيه وقلت للشيء اللي حاسه بوجودة جنبي: لو كنتوا حضرتوا فعلا اقسموا بكتاب ربنا انكم جايين لخير مش لشر؟ ولو كنتوا جايين لشر انصرفوا!...



اول ما خلصت كلامي حصل اللي ماكنتش متوقعه انه يحصل؟! انا كنت ماسكه المصحف.. فتحته وبدأت اقرا فيه.. وفجاة المصحف لقيته اتقلب ووقع ع الارض! وفي اللحظة دي كائنات مش شيفاها كانت بتمسكني وتضربني ف كل حته ف جسمي! اتعرضت لعذاب جسدي قوي جدا! وغير انهم كانوا بيشدوني من شعري وسحلوني على الارض! ومن صوت صريخي اهلي صحيوا.. صحيوا وشافوني وانا بتسحل بجسمي ع كل بلاط الارض!....



وبعدها فجاة كل حاجة اختفت بمجرد ما اهلي جم عليا وشافوا بس مشهد بسيط من عذابي!....


من بعد اليوم ده انغلقت على نفسي.. وانعزلت عشان محدش يشوفني من الناس.. لاني لما كنت ابص على نفسي في المرايا الاقي نفسي دمية شكلها وحش!.. 



ف هنا قررت اقف وقفه مع نفسي.. وانهي اللي بيحصل لي.. ومانسقش ورا الشيطان!.. قاومت اذاهم بكل اشكاله... وبقيت اصلي وقراءة القران.. وهنا الشياطين حضروا خيروني بين اطاعتهم او انهم يصيبوني بالجنون! انا اخترت الجنون ورفضت اني اطيعهم!.. 



ومن هنا لقيت نفسي بقاوم حاجات غريبة؟ مثلا اكون قاعدة في امان.. وفجاة يجيلي حالة هياج غريبة.. فافتح الباب واقطع هدومي وشعري.. واجري ف الشارع!.. 



ودوني لشيوخ كتير.. لكن محدش قدر يعالجني.. فضلت مع الشياطين لمدة ست شهور كاملة.. وانا بقاوم وبعيط ومكنش بشوف النوم!.. وفي يوم نمت وفجاة شفت رؤيا تكررت معي تلات مرات... الرؤيا دي كان حد بيقولي: صومي 45 يوم متصلة لله، ويكون طعامك فيها تمر وخبز.. 



وقتها كنت وضعت جنيني التاني... فصمت ال 45 يوم متواصلة.. وفي اخر فترة الصيام بدات افوق من اللي كنت فيه.. كأني كنت شايلة حمل تقيل اوي.. وانزاح من فوق كتفي.. وجالي شيوخ بعدها عشان يعالجوني.. ومكانوش عارفين اني خفيت.. وانا برضه مكنتش اعرف.. 



واكتشفت اني بقيت اشوف واتنبأ بحاجات حصلت؟ يعني مثلا شيخ من الشيوخ اللي جم يعالجوني كنت بقول للشيوخ ده.. انت بتعاني من كذا وكذا.. وزوجتك من كذا.. واولادك من كذا.. كل ده مكنتش بشوفه او بسمعه من حد.. 


ومن هنا بدأت رحلة علاجي للناس...


وبتاكد الشيخة نادية ان معاها اطباء من الجن بيساعدوها في علاج المرضى! وهي عرفاهم بالاسم واحد واحد! ومنهم متخصصين في علوم الطب.. زي الاطباء من بني البشر.. ومن الامراض اللي بتعالجها:


انسداد يشرايين القلب.. غضروف متأكل.. القرحة.. تشمع الكبد.. البواسير.. الشلل النصفي.. وده بشهادة من المرضى، اللي قاموا بزيارتها واتعالجوا على ايديها، زي الدكتور محمد ابو المعاطي حسانين..



وفي النهاية يا ترى الشيخة نادية ساحرة، ولا ملبوسة، ولا هي من اطباء من الجن؟! 



تعليقات



حجم الخط
+
16
-
تباعد السطور
+
2
-