أخر الاخبار

قصة دجالة بورسعيد للكاتب محمد مهني

 قصة دجالة بورسعيد للكاتب محمد مهني


شقة في حي الرحاب ببورسعيد.. راجل قعيد رجليه مبتوره وقاعد على كرسي عجل.. الراجل المسكين ده قاعد ع كرسيه تحت البيت وعفش بيته مرمي في الشارع! بمجرد ما عينك تقع عليه وتشوف منظر العفش المرمي في الشارع .. هتقول ايه الافترة ده مين اللي معندوش ضمير ده اللي رامي راجل قعيد مبيتحركش في الشارع ورامي عفش بيته في الشارع!.. 



دجالة بورسعيد,بورسعيد,دجاله بورسعيد,ساحرة بورسعيد,دجالة,فتاة بورسعيد,دجالة بور سعيد,حقيقة دجالة بورسعيد,أحداث دجالة بورسعيد,دجالة بورسعيد والسحر,| | دجالة بورسعيد | والسحر الاسود قدمت بسنت قربان | للجن,قتيلة بورسعيد,محافظة بورسعيد,مشعوذة بورسعيد,فتاة بورسعيد الشهيرة,حادث بورسعيد,# بورسعيد,شوارع بورسعيد,مجنون بورسعيد,دجالة بورسعيد واختفاء راس البنت بالسحر,بالة بورسعيد,مسلة بورسعيد,جمال بورسعيد,مدينة بورسعيد,معدية بورسعيد,زيارة بورسعيد



أحب اقولكم ان نظرتكم طلعت غلط! الراجل ده مش مطرود من شقته ولا حاجة.. امال ايه القصة؟ الراجل ده خايف يدخل شقته بسبب الحاجات الغريبة اللي بتحصل جواه.. شقة مسكونة بالعفاريت وبيحصل فيها حاجات تشيب ! .. يعني مثلا الراجل ده كان قاعد في امان الله على كرسيه المتحرك وفجاة الكرسي اتحرك بطريقة غريبة محدش زقه هو اتحرك لوحده! الراجل كان هيقع ع الارض من سرعة الحركة اللي اتحرك بيه الكرسي! لولا ما بنته لحقته كان وقع ع الارض!..



الحكاية بدات لما جه للراجل ده شاب عشان يخطب بنته.. وفعلا الخطوبة تمت وكل حاجة كانت تمام.. بس بعد فترة حصل مشكله بين بنته وخطيبها والمشكلة دي ادت لفسخ الخطوبة! الشاب بعد ما اتفسخت خطوبته من البنت اللي كان بيحبها راح لابوها وطلب منه انه عايز يرجع الدبلة تاني وانه بيحبها.. بس الاب ماوفقش لانه من الاول ماكنش موافق ع الخطوبة دي بس هو وافق من الحاح بنته.. الراجل قاله لأ.. بس الشاب مايأسش كان كل يوم يروح للراجل ده ويترجاه ويزن عليه.. ففي النهاية قاله بص سبني شهرين افكر واحاول اقنع بنتي لانها مش موافقه ترجع.. الشاب انتظر الشهرين وجاله بعد ما الشهرين عدو.. وقت ما جاله كان العيد فاضل عليه ايام وكان اخو الراجل ده لسه ميت ... فقاله ده مش وقت مناسب نتكلم عن حاجة زي كده اخويا لسه ميت تعالى بعد العيد... فعلا الشاب مشي وجه العيد وعدى كمان لكن الشاب ده مجاش ع الميعاد.. الشاب اختفى ومبقاش يجي للراجل... بس من وقتها وبدأ يحصل حاجات غريبة جدا ف شقته؟!..



اول حاجة غريبة حصلت كان حادث الكرسي اللي اتحرك لواحده وهو قاعد ف امان الله ف الصالة! الراجل قال عادي يمكن حصل حاجة في الكرسي وهو اللي خلاه يتحرك كده.. ماهتمش باللي حصل ونسي الموضوع.. بس تاني يوم بدات تحصل حاجات اغرب مقدرش اهل البيت يفسره اللي بيحصل؟! 



في يوم كان قاعد هو وبنته في امان الله وفجاة كرسي من الكراسي الموجودة في الصاله اتحرك حركة غريبة من غير ما حد يحركه! الحوار موقفش على كده! ده اثاث البيت بقى يخبط ع الارض وغير الاصوات الغريبة اللي بدأوا يسمعوها في نص الليل! اللي بيحصل كان غريب جدا ومحدش عارف يفسر اللي بيحصل.. 


الموضوع بدا يزيد وبقى مرعب جدا!


كان قاعد الراجل المسكين مع بنته في امان الله وكل حاجة طبيعية.. فجاة شافوا كرسي الانترية بيولع لوحده! النار مسكت فيه في مشهد مرعب وغريب جدا! الراجل وبنته اتفزعوا من اللي حصل! والنار وقفت فجاة زي ما ظهرت فجاة! والاغرب ان الكرسي اللي ولع من دقائق مكنش فيه اي اثر للنار! الحرايق بدأت تزيد في البيت.. يلاقوا فجاة النار مسكت ف اوضة بنت الراجل ويجوا المطافي يطفوها.. وتاني يوم الجيران يصحوا اهل البيت والنار كانت ماسكه ف المطبخ.. ويطفوها! وبعدها تاني يوم يحصل نفس اللي حصل.. النار ولعت ف الشقة كلها والمطافي تيجي تطفي النار! وبعدها النار ترجع تاني! لا كده في حاجة غلط! والاغرب ان كان في كتابات بتظهر ع حيطان الشقة! كتابات غريبة بلون الدم.. تعاويذ وارقام واشكال زي نجمة داوود بتترسم ع الحيطان! هنا اهل البيت قالوا لا كده الموضوع مايتسكتش عليه احنا نروح نشوف شيخ يجي يشوف ف ايه....



فعلا كانوا بيجيبوا الشيخ ويقرا قران ورقيه ويحصن البيت.. وبعدها كل حاجة تختفي ايام وترجع تاني اقوى من الاول! حرايق غريبة بتحصل فجاة.. اثاث بيتحرك.. اصوات صريخ... وحاجات تانية اغرب من كده! اهل البيت لفوا ع الشيوخ وحتى راحوا للكنيسة والقساوسة ومحدش قدر يوقف اللي بيحصل! ايه الحكاية بظبط؟!



الراجل مش فاهم حاجة والجيران هما كمان مش فاهمين.. لكن لما ظهر خطيب بنته السابقة والراجل حكاله ع الحاجات الغريبة اللي بتحصل ف بيته.. الشاب ده قاله ان ممكن عمتي هي اللي عملت كده! الراجل استفسر منه ليه عمته تعمل كده .. فالشاب قاله انا هجيبها واجيلك.. فعلا الشاب راح وجاب عمته.. وعمته بكل بجاحه قالت ايوة انا اللي عملت كده! ... انا عملتها سحر اسود ومدفون في المقابر على حيض بنتك! الراجل قالها ليه الاذية دي؟! بتأذينا ليه احنا عملنالك حاجة.. الست قالت له خايفه ع ابن اخويا من بنتك.. وخلاص انا هحل الموضوع ده .. هاجي بعد يومين وتكونوا محضرين 7 ابر و 7 مسامير و 7 رجاله غيرك! ... 



الراجل اول ما سمع الكلام من الست دي واتفقوا انها هتيجي بعد يومين راح للشرطة وبلغهم بكل اللي حصل.. ف الشرطة قالت له نفذ اللي قالته واحنا هنجيب رجاله من المباحث يحضروا الجلسة دي ونعملها كمين ونصورها!..


فعلا الست دي جت وبدأت اغرب جلسة ممكن تشوفها وكانت متصوره صوت وصوره وهحطلكم الفيديو ف اول كومنت...



الست دخلت الشقة واول حاجة عملتها انها اخدت سجادة صلى وفرشتها عكس القبله وقلعت الطرحة اللي لبساها وبدأت تصلي بايات من القران كانت معكوسة ومضاف عليها كلمات غريبة! وبعدها راحت ولعة سيجارة.. وبعد كده طلبت من كل الموجودين انهم يقفلوا تلفوناتهم! وبعدها طلبت ان اي اية من القران تتمسح من ع الحيطة او اي برواز ف اية تتشال... وغير المصاحف تتشال! مش عايزه اي حاجة من القران تكون موجودة ف البيت!..



طبعا الجيران وصاحب البيت رفض الكلام ده وحتى الست قالت بكل ثقه " انا هطيره من الحيطة " كانت تقصد انها هتطير اي قران مكتوب ف الحيطة! المهم الست شالت سجادة مفروسة ع ارضية الصالة ورسمت صليب كبيرة وكتبة كلمات وحروف وارقام غريبة! وبعدها راحت ع اوضة البنت ورسمت نفس الصليب ع الارض ونفس الكلمات والحروف الغريبة! والمطبخ برضه عملت فيه اللي عملته ف الصالة والاوضة!..






بعدها طلبت من ابن اخوها والبنت انهم يغتسلوا ويجيبه المايه اللي اغتسلوا بيها ! وفعلا عملوا كده!.. طلبت الدجالة دي من البنت انها تنام ع الارض وبعدها بدات تحوم حوليها وتقول تعاويذ وايات من القران متضاف عليها كلام محرف! الوضع كان مرعب جدا وكل اللي كانوا موجودين مرعوبين! حتى ان واحد من اللي موجودين قال انه شاف خيال واقف ورا ستاره! ولما الراجل قالها الدجالة قالتله متركزش كتير عشان ماتتعبش!... 



الدجالة مستمرة ف ترديد الكلمات الغريبة... وحصل فجاة اكتر حاجة مرعبه خلت الناس تموت من الخوف! البنت اللي نايمه ع الارض فجاة راسها اختفت! ايوة بقت جسم من غير راس وكل الموجودين شافه المنظر ده! في اللحظة دي الدجالة قالت للبنت انها تقول جملة غريبة.. الجملة دي هتخلي البنت تتسحب تحت الارض!.. 



قبل ما البنت تقول الجملة دي المباحث كسرت الباب واقتحمت الشقة!.. في لحظة دخول الشرطة البيت كل المصاحف اللي اتشالت من الدجالة اتحرقت! الشبابيك بدات تخبط وترزع جامد ! المشهد كان مرعب جدا والرجالة اللي كانت حاضره الجلسة دي قالوا انهم عاشوا اسواء لحظات في حياتهم! ..




قبل ما الدجالة تتاخد من الشرطة ميلت ع البنت وقالتلها " لو قولتي لهم اني السبب في كل ده هخفيكي من ع وش الارض!".. وبعدها الشرطة اخدتها!... 




الست خلاص اتقبض عليها متلبسة ومتصور كل اللي حصل ف الجلسة صوت صوره .. بس الحاجات الغريبة ماوقفتش! لسه البيت بيحصل ف حرايق واصوات غريبة تتسمع وكلمات بالدم ع الحيطان بتتكتب ع الحيطان! والاثاث يتحرك ويولع! ..

اكيد لان الست الدجالة مانهتش السحر يعني ماطلعتوش من القبر ولا حلت موضوع البت!...

الحادثة دي حصلت من سنة تقريبا وعملت ضجة كبيرة وقتها والشقة كانت متلقبه بشقة العفاريت في بورسعيد! ...



تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -