قصة الساحر التائب داود محمد الفرحان للكاتب محمد مهني

 قصة الساحر التائب داود محمد الفرحان للكاتب محمد مهني


طريق السحر خلاني أعيش معاناة واخسر بسببها مراتي وعيالي!.. حكايتي بدأت من زمان اوي ومن وانا صغير.. ابويا كان ساحر كبير ورث السحر من أبوه.. وورثه بعدها ليا...


الساحر التائب داوود محمد فرحان,الساحر التائب داوود محمد,الساحر التائب السوداني,الشيخ حامد الساحر التائب,الساحر التائب اليمني,قصة الساحر التائب السوداني,الساحر التائب,الساحر التائب يتيوب,الساحر التائب داوود اليمني,داوود محمد فرحان,الساحر السوداني التائب,الساحر السودان التائب,الساحر التائب حامد ادم,لساحر السوداني التائب,الساحر التائب حامد ادم (8) خطورة العين,محاضرات الساحر التائب,الساحر اليمني التائب,الساحر التائب اليمني كاملة,محمد الغيطي




انا داوود محمد فرحان من اليمن .. عشت في أغرب وارعب بيت ممكن تعيش فيه.. لما كنت صغير كنت بشوف حاجات غريبة ومرعبة جدا.. كنت بشوف خيالات واسمع أصوات مفزعه جدا خارجة من أوضة أبويا اللي كنت بخاف أقرب ناحيتها بسبب الأصوات المفزعه اللي كنت بسمعها بليل!..


أبويا كان حد غريب جدا... لما كان يقعد معانا ياكل كنت بشوفه أنه بياكل اكل غير اللي كنا بناكله.. كان بياكل لحمه بس غير اللحمة اللي بناكل منها.. لحمه ريحتها كانت مقرفه جدا وكنت بشوف الدود ماليها وابويا كان بياكل وهو مستمتع...


حاجة غريبة جدا كنت باشفها في ابويا.. كنت ألاحظ لما كان بيشوف طفل قدي كان بيبص له بصات غريبة ويفضل يشم فيه زي الكلاب لما تشم أكلها!.. دايما كنت اشوف امي بتبص لابويا نظرات كره بس مكانتش تقدر تفتح بقها.. في مرة سمعتهم بيتخنقو في اوضتهم وسمعت صوت صرخت امي! ومن يومها مبقتش تفتح بقها ولا حتى تبص في عين أبويا من الخوف!...


كنت كمان بشوف ناس كتير بتيجي لابويا.. رجاله وستات وأطفال.. يدخلون له الاوضة ويفضلوا بالساعات جوه.. وكنت بسمع أصوات صريح جوه واسمع أبويا بيزعق وبيتكلم مع حد! نبرة الحد ده كانت نبرة صوت مفزعه جدا! ولما كان يخرج اللي دخل للبيوت أسمعه بيدعي وبيبوس ايد أبويا!....


بعد سنة على الحال ده لما كنت في حدود ال 10 سنين جه يوم وتعب فيه جدا .. نده عليا وقالي عايزك يا داوود.. اخدني اوضته وقفل الباب وبعدها قعدت جنبه وبدأت ابص له واسمع كلامه:

- انت جه دورك يا داوود.. انت هتورث مني مهمتي! هتكون قوي جدا الناس هتخاف منك.. ماتخفش من حد .. هيكون ليك خدام كتير هيسعدوك ..


مكنتش فاهم كلام ابويا بس بعد اليوم ده مات أبويا تاني يوم.. محدش كان بيحب أبويا عشان كده لما طلع يدفن محدش طلع وراه! كنت بسمع الناس بتشتم فيه !..


انا كنت بشوف خيالات واسمع أصوات مفزعه.. بس من بعد موت أبويا مبقتش أسمع حاجة.. كل الأصوات والخيالات سكتت.. بس بقيت اشوف حاجات غريبة بس من نوع تاني.. ستات جميلة جدا في الشارع.. كانوا بيظهروا بليل وكنت أسمع صوتهم بينادوا عليا.. طلعت لهم في مرة وبدأوا يكلموني.. كلامهم أنهم هيدوني كل اللي أحلم بيه.. اي حاجة هقول عليا هتتنفذ بس بشرط أن أروح لجبل وابعد فيه 40 يوم بعيد عن الناس... وقتها انا كنت عندي 10 سنين طفل ... نفذت كلامهم من غير نقاش لاني كنت مجذوب! طلعت الجبل بليل من غير ما اهلي يحسوا بيا.. هناك لقيت بنات حلوين جدا مستنيني... أول ما شافوني قالولي:


- هتختلي بنفسك هنا 40 يوم... ممنوع انك تحط في جسمك اي مائة طاهره.. تفضل على نجاستك.. اوعاك تقول اي ذكر .. اوعاك تنطق كلمه فيها الله.. هتصلي على نجاسه عكس اتجاه القبله!..


نفذت كلامهم وكنت بمارس الفاحشة مع نساء الجن ! فضلت ل 30 يوم اصلي عكس اتجاه القبلة واسبح بسم ابليس! لحد ما جه اخر يوم في الخلوه.. البنات قالولي أن أمسك المصحف ومن عند سورة الكهف اقسم المصحف نصين! احط نص على رجلي اليمين والنص التاني على الشمال! البسهم زي الحذاء! وامشي والف وانا لابس المصحف وافضل اسبح بسم ابليس! لما كملت كده بقيت أشوف الحيوانات بتتكلم معايا! بقيت اشوف كائنات شكلها مفزع اوي! ...


لما خلصت الأربعين يوم رجعت بيتي.. هناك لقيت 3 رجاله أول ما دخلت البيت مسكوني وكتفوني! ودوني عند شيخ بس طلع دجال! لما شافني صرخ في وش امي والرجاله اللي كانوا ماسكني وقال خرجوه بره ده معاه أتباع أبوه من الجن ومش هقدر عليهم! انا معايا سبعه من الجن الأقوياء لكن الدجال معاه جن واحد ومش هيقدر على اللي معايا .. عشان كده صرخ وقتلهم اخرج بره!...


رجعت البيت وامي حبستني جوه.. كنت يسمعها وهي بتدعي عليا أن أموت أو ربنا يهديني! ومامشيش في طريق أبويا!..


كانت بتدخلي الاكل وتقفل عليا.. بس كان الجن بيظهرلي ويقولي ماكلش منه! وكانوا بيجيبولي نفس اللحمة اللي أبويا كان بياكل منها! لحمه معفنه ريحتها مقرفه ومليانه دود! لما أكلت منها مرة اشتهيت ليها تاني.. طلبت من الجن اني عايز منها تاني.. فهما قالولي اخرج انت وجبها بنفسك.. دي لحمة كلاب وقطط ميته! قلتلهم هخرج ازاي انا محبوس هنا.. الجن فكني وخرجت من غير ما امي تحس بيا وزي المجنون كنت بصطاد القطط والكلاب واموتهم واكلهم!...


فضلت على كده لحد ما بنات الجن ظهرولي وقالولي اني أسافر لبئر برهوت ! البئر اللي سيدنا محمد قال عليه أنه اشر ماء على الأرض! معرفش سافرت ازاي... الطريق طويل جدا بس انا مجرد ما خرجت من البيت ومشيت شوية لقيت نفسي هناك عند البئر! الجن هما اللي اخدوني على هناك في لمح البصر!...


هناك عند بئر برهوت الجو كان ضلمة اوي ... أصوات غريبة سامعها حواليا! ولما وصلت عند البئر ظهر لي كلاب خارجه من البئر.. كلاب ضخمة وسودة اوي وعيونهم حمره! كانوا بيبصولي! كائنات شكلها زي القرود يس ليهم قرون في وسط راسهم! اتلموا حواليا! كنت خايف اوي وبترعش! في اللحظة دي جه في بالي أية الكرسي وكنت هقراها! بس ظهرت لي بنت وقالت لي إياك تقولها هتتلعن! وبعدها وشها تتحول لشيطان مفزع مستحملتش شكله فوقعت من طولي ولما فقت لقيت نفسي مرمي بعيد عن البئر...


رجعت البيت وهناك امي لما شافتني فضلت تعيط وتقولي ليه يابني السكه دي حرام عليك .. كفاية أبوك مات ملعون.. أبعد وارجع لربنا!..


كلامها ماكنتش متاثر بيه لكن حاسس ان انا نفسي مش قادر تسيطر على نفسي.. في قوة غريبة هي اللي بتتحكم فيا وهي اللي بتمشيني!...


بعد ما رجعت البيت فضلت في اوضتي كام يوم وبعده ظهرت لي بنت من بنات الجن طلبت اني أسافر لمنطقة " تهامه" قلت لها دي منطقة بعيده اوي ! قالت لي إحنا هنوصلك ليها في ثواني ( منطقة تهامة دي منطقة في اليمن ) فعلا خرجت من البيت بليل ومشيت شوية ع رجلي لحد ما لقيت نفسي عند جامع ... وعند الجامع كان في راجل عجوز لقيته جاي لي وكان عارف اني ابن " فرحان " وقالي ع أذكار كلها تمجيد في ابليس.. فضلت قاعد تلات أيام في المسجد وبعدها الشيخ قالي هتروح لضريح " ابن علوان" قالي إني هروحه عشان استلم أعمال أبويا واخد الكرامات!...


اخدت طريقي لضريح بن علوان ... هناك لقيت ناس كتير عرفت انهم سحرة بيجوا للمكان ده كل سنة عشان يتعلموا السحر من الجن! .. وأنا واقف وسط الناس دي لقيت قبر ظهر فجأة... صليت زي الناس وعلى آيات من كتاب حد ادعولي وقال إن ده قرآن.. بس مكنش قرآن دي آيات من القرآن بس محطوط فيها أسماء الجن وابليس! وصلاتنا كانت مش في إتجاه القبلة.. كانت القبلة على الضريح بتاع " بن علوان" فضلت هناك 15 يوم ولما خلصوا شيخ من الشيوخ أو ساحر جالي وقالي انت كده اخدت البركة.. واحدة كرامة أبوك!!.. خلاص تحصلت على الإجازة منهم بعمل الشعوذة!.. واتصلب مني اني اجي كل سنة للضريح .. وادبح رأس من الغنم بسم ابليس!...


ومن هنا تبدأ معاناتي الحقيقية!...


لما كنت عند ضريح " بن علوان" وقبل ما ارجع بيتي الشيخ اللي قالي انك خلاص اخدت كرامة أبوك وبقيت من المبروكين اللي عندهم كرامات.. قالي أن في تلات كتب ومسبحه وخاتم.. دول بتوع أبويا واللي خلاص جه الوقت أن استلمهم لان بالكتب دي هسخر الجن والجدام!...


رجعت البيت ولما وصلت قلت لامي اني عايز كتب أبويا والمسبحة والخاتم.. فهي قالتلي أن أبوك قطع الكتب دي قبل ما يموت.. والمسبحة والخاتم حرقهم! انا كنت عارف إنها بتقولي كده عشان مش عايزاني أمشي في طريق أبويا.. وغير اني عارف مكانهم! قلتلها أن انا عارف انك خبتيهم مني وهوصلهم! وبالفعل وصلت لهم بمعاونة من الجن هما اللي قالولي على مكانهم...
كانوا تلات كتب؟ كتاب ( المندل وشمس المعارف والجفر ) ومسبحة وعطر.. العطر ده بعطر بيه المسبحة قبل ما امسكها عشان أوهم الناس اني راجل صالح لكن انا كنت غير كده... كنت بسبح بسم ابليس والجن ! مش بسبح بسم الله!.. 


بعد ما اخدت الكتب التلاته ... ظهر لي في الليل بنت من بنات الجن وقالت لي أن أروح لأحد المغارات اختلي فيها بعيد عن أعين الناس 
لأربعين يوم عشان اقابل كبير الروحانيين! فعلا في الليل مشيت على مغارة وهناك فضلت اقرأ الكتب.. كانوا كتب سحر أسود وتحضير للجان! بس هما اوهموني إنها كتب هتوصلني اني اكون روحاني وليا شأن كبير قدام الناس! بعد ما قرأت بعض التعاويذ وسبحت بذكر معين بمجد فيه ابليس ظهر لي شيخ لابس ابيض ودقنه طويلة وبيضه! كان مظهره حلو جدا وريحته طيبة! الشيخ ده قرب مني وقال لي:
- عايز تكون ليك شأن عظيم؟

= عايز اكون ليا خدام !

الشيخ ده انصرف ورجع لي تاني يوم وكان معاه اشخص منظرهم كان حلو جدا قالي أن دول هيكونوا خدامك! ... حسيت وقتها بفرحة غريبة أن الناس هتعملي حساب.. وهكون بينهم شخص صالح ! لكن طبعا الحقيقة غير كده.. اللي ظهر لي ده مش شيخ صالح ولا هو كبير الروحانيين! ده ابليس!... 


كان في شروط لازم اعملها؟ أولها اني ماصليش.. ولا أكون على طهارة! مقراش القرآن! مسموح ليا أن أقرأ بعض الآيات لكن اضيف عليها اسم ( قهقائيل وسمساهيل ) ودول قالولي أو اوهموني أنهم اتنين اخوات صالحين! لكنهم ملوك من ملوك مردة الجن!... 
وطلبوا مني أن اشق المصحف نصين مرة تانية من عند سورة الكهف! والبسهم على رجلي! وافرش بعض من أوراق المصحف ع الارض وامارس الفاحشة وانجسه!... 


فضلت على كده وكل يوم بكبر .. بمارس السحر.. واشد أنواع السحر! الناس بتجيلي من كل مكان! كنت بعرف الشخص اللي جايلي من غير ما يعرفني على نفسه! خدامي هما اللي بيقولولي مين ده وجاي منين وجاي ليه؟! طبعا لما الشخص ده يشوف اني قلت على معلومات عنه مستحيل أعرفها غير لما يقولها! كده خلاص وقع في المصيدة وهيصدق اني حد مبروك! لكن الحقيقة غير كده؟ الحقيقة أن خدامي بيعرفوا المعلومات دي من قرين الشخص! كل واحد فينا عنده قرين يعرف حاجات ميعرفهاش الشخص عن نفسه!...


وامي عرفت اني لقيت الكتب.. ولما رجعت من الخلوة فضلت تبكي كتير ووقتها كان عندي 20 سنة... لما شفت منظرها وهي بتعيط اخدت العهد اني مش هشتغل تاني في السحر... لان وقتها امي كانت خايفه عليا وبتعاني من اللي بيحصلي! فهنا قررت اني أسافر السعودية اشتغل... كان وقتها في سنة 1982 سافرت وقعدت في مدينة جادة... لكن ملقتش شغل! بس في يوم جالي واحد يمني عرفني وعرف أن أبويا شغال في أعمال الروحانيين! فقالي أن في واحد سعودي عنده مراته مش بتخلف.. وقالي لو قدرت تعالجها هاخد فلوس مش هحلم بيها! ومن هنا بدأت ادخل في دوامة العلاج بالشعوذة!... 


رحت الراجل السعودي ده.. هو كان تاجر كبير وعنده محلات... قبل ما يقولي اي حاجة عن مشكلته... خدامي قالولي كل حاجه عنه وعن مرانه! .. الراجل انصدم وهنا قالي اجي معاه بيته... قعدت عنده تلات ليالي وفي الليلة الواحدة كان بيدفع لي تلات الف ريال سعودي! خدامي كانوا بيجبولي اعشاب وكانوا بيقولولي احضرهم ازاي.. وكنت اديها السعودي عشان مرانه تشربهم... 


وبالفعل بعد شهور الراجل السعودي قالي أن مراته شفيت وبقت حامل!... واداني فلوس كتير وشغلني في محل من محلاته الخاصة بالملابس الجاهزة... وخلال تلات سنوات قضيتها في العمل معاه رزق السعودي بتلات أولاد.. وطبعا هو كان معتقد اني سبب في انه يخلف! لكن طبعا ده كان أمر من ربنا وانا ماليش دخل فيه!...


استمريت في الشغل في السعودية واتعرفت هناك بالشيخ المبروك! حتى أن زوجة داعيه سعودي كبير عرفت بكراماتي.. وجت لي عشان عايزه من كراماتي دي!... 


وبدات استقبل اعداد كبيرة من السعوديات وكانوا بيجولي يطلبوا مني مساعدتي وبركاتي عشان يتمكنوا من الطلاق من ازواجهم.. ومنهم اللي بيطلبوا مني أنهم يكونوا محبوبين من الناس كلهم! كانوا بيدفع لي فلوس كتير جدا!... 
بعد اربع سنين رجعت اليمن...


قابلت كبير السحرة النمرود؟!


الزيارة دي كانت وقت زيارة ضريح " بن علوان" وانا راجع بيتي .. 

في الطريق ظهر لي في الخلاء شيخ عجوز قال لي ( زرت بئر برهوت ) ؟ قلت له نعم زرته لكني لم اتمكن من دخوله! قالي لأنك ماجبتش المطلوب؟ هات رأس من الغنم يكون دكر لونه أسود... يذبح وانا هخليلك النمرود بنفسه يحضر هنا! ..


جبت رأس الغنم الاسود الذكر... ودبحته في نفس المكان اللي قابلت ف العجوز.. بعدها العجوز ده فضل يقول كلام غريب بصوت عالي ويرقص ويتنطط ... وبعدها قال لي تهيأ وقم للصلاة.. 


سجدت على الأرض عشان بعدها اشوف واحد كان ليه وقار ولما كان قاعد على كرسي ... صوته كان زي الثور لما يتكلم الأرض تتزلزل تحت رجليه!.. مشيت ناحيته وسجدت عند قدمه... وهو حط قدمه على راسي!.. 


الوقت بيمر.. كل يوم بيزيد انغماسي في عالم السحر.. لحد ما وصلت ل سن 50 سنة.. في يوم جالي واحد وقالي أن بيته بيحصل في حاجات غريب وطالب مساعدتي.. رحت معاه ووقتها كان الدنيا ليل.. كان بيته من أربع ادوار.. بمجرد ما دخلت حسيت بتعب شديد.. جسمي مسقع وحاسس بدوخة وتنميل جامد في رأسي.. حاسس ان عايز انام.. طلب من الشخص اللي جابني بيته اني عايز انام.. 


استغرب من الطلب بس وداني في النهاية لشقة في الدور التاني وقالي ممكن انام في الاوضة دي.. نمت .. ومجرد ما حطيت راسي ع المخدة فقت وكنت شايف نفسي ميت.. لا انا مكنتش شايف نفسي.. أنا فعلا كنت انا اللي ميت! بتغسل.. وبعدها اتكفنت.. اتشلت على الخشبة لحد ما رحت القبر.. سامع الناس بتشتمني.. بتلعن فيا!..


اتحطيت جوه القبر.. الجو ضلمة وساقعة اوي! كنت مرعوب ! مش قادر اتحرك!.. جالي ملكين شكلهم فزعني! كنت عايز اصرخ بس مش قادر! الملكين سألوني ما دينك؟ من ربك؟ ما الرجل الذي أرسل فيك ؟ مش قادر اجاوب! ...


بعدها اتسحبت عشان تلاقي نفسي في مكان واسع جدا ! كان في حاجة بتغلي اوي ! زي القطران! محطوطة  في قدر كبير! وكان أمام القدر ده في سجادة  حمرة بشكل مرعب! كانت من النار! كان في نفس الملكين اللي ظهر لي واقفين عند القدر والسجادة.. قالولي اتوضى من القدر اللي ميته بتغلي! لو حطيت ايدي هتسيح! تراجعت بخوف ومحطتش ايدي فيه! وكنت لسه ههرب لقيت ايد طلعت من الارض! ايد حديد! مسكتني مسكة حتى حسيت العضم اتكسر ورفعوني للهوا! كانت عايزه ترميني في قدر اللي بيغلي! صرخت جامد صرخة حسيت بسببها أن حلقي انقطع من شدة الصوت! ..



فقت في اللحظة دي عشان تلاقي صاحب البيت جاي جري عليا ! سمع صوت صريخي.. قالي فيك ايه؟ قلت له خلوني لوحدي انا تعبان شوية... فقالولي طب نبخر أو نعمل اي شيء على ما تيجي؟ قلت لهم مافيش داعي... 



رجعت انام تاني وفقت عشان اشوف أبويا واقف في نفس المكان اللي كنت فيه !... المكان اللي ف القدر اللي بيخلي والسجادة والملكين! وانا كنت واقف ف مكان عالي وشايفه واقف تحت! لقيت ابوي بيقولي اهرب يا والدي! قلت له اهرب فين؟ قالي اهرب لسه في وقت تصلي فيه! لسه في وقت تستغفر؟ توب لربنا وارجع لطريقه ! سيب الكفر وارجع لطريقه ربنا.. طريق النور!....



في اللحظة دي فوقت... اتنفضت من على السير.. رحت اتوضى.. بس جسمي كان تقيل .. اترميت على الأرض حاسس بسكاكين! سكاكين بتقطع جسمي كله ومش مخليانس أروح اتوضى.. تحاملت على نفسي لحد ما رحت الحمام واتوضيت.. اخدت إتجاه القبلة وبدأت اصلي... كل ركعه اركعها وكل آيات من القرآن انطق بيها كان جسمي وقتها بيطلع دم! كملت صلى.. الشياطين بدأت تتشكل قدامي.. بنات جميلة بتترقص حواليا.. بس كملت صلى! الفجر وقتها إذن.. خرجت من الاوضة ورحت لصاحب البيت وقلت له يلا نصلي الفجر.. استغرب بس راح معايا.. وانا بصلي حسيت براحه اول مرة احس بيها.. راحة بال وهدوء نفسي وسلام أول مرة احس بيهم!...
راحة البال السكينة والطمأنينة اللي حسيت بيها وأنا ساجد لربنا قلت له يارب مش خرجت للطريق ده تاني وتقبل توبتي...تعهدت امام نفسي وربنا أن طريق السحر مش همشي فيه تاني!...


رجعت البيت وهناك لقيت ابني مريض! حرارته سخنه وباطنة منفوخة ووشه شاحب! مش عارف اعمل ايه! مراتي بتعيط! الشيطان ظهر لي وقال لي ارجع واسجد لي عشان ابنك يخف! استعذت بالله من الشياطين واستعنت بالله.. لقيت الشيطان غضب! وبعدها لقيت مراتي بتصرخ... ابني مات!.. ووراه ابني التاني مات! عيالي الاتنين ماتوا!...



مفضليش غير مراتي بعد ولادي الاتنين ما ماتوا... كانت مراتي وقتها مراتي كانت حامل في الشهر التامن.. في يوم تعبت بعد موت ولادي الاتنين بأيام.. بطنها نزلت ومبقاش ظاهر عليها علامات الحمل!.. رحت للدكتور وقالي أن الجنين مش ظاهر! رحت لشيخ وبمجرد ما قرأ عليها القرآن شكلها اتغير وبقت تتكلم بصوت راجل! فضلت تقولي ارجع لنا يا داوود والا هتخسر مراتك كمان! بكيت وفضلت ادعي ربنا.. شايف مراتي بتصرخ وجسمها بينزف دم! عينيها اتشالت من مكانها وماتت بطريقة مرتبة !...


خسرت عيالي ومراتي.. خسرت كل حاجة بس كسبت ربنا .. كسبت توبه نصوحة... انا دلوقتي بقيت في طريق ربنا وبعلم الناس أنهم يعرفوا إزاي أن اللي رايحي له ساحر ولا شيخ...


بحذر اي حد بيسمع حكايتي ماتروش لساحر.. كلهم كفار.. مش عارفين ربنا... وهيإذوك مش هيساعدك!.... اللي هيساعدك ربنا وكتاب ربنا غير كده كفر وضلال....

تمت

الحكاية دي حقيقية مش من نسيج الخيال... الساحر اسمه داود محمد فرحان وهتلاقوا مقابلة ليه مع الشيخ نبيل العوضي بيحكي تفاصيل مرتبة جدا عن حياته!..


إرسال تعليق

أحدث أقدم