أخر الاخبار

أشهر أسطورة مغربية "عيشة قنديشة" قصص وحكايات بقلم محمد مهني

 أشهر أسطورة مغربية "عيشة قنديشة" قصص وحكايات بقلم محمد مهني


النهاردة هنتكلم عن أشهر أسطورة مغربية "عيشة قنديشة" قصص وحكايات اتحكت عنها.. ف اللي قال انها فعلا عيشة قنديشة شخصية حقيقية وكانت من المجاهدين.. وفي اللي قال ان عيشة كانت بتحب واحد من الطبقة الغنية اوي وهي كانت فقيرة.. هو عشم عيشة بالجواز لكنه ضحك عليها فعشان تنتقم منه راحت تتعلم السحر وعملت له سحر لحد ما مات! هي بقت بعد كده تنتقم من كل الرجال.. روحها بتظهر لاى راجل حلو تشوف انه بيمشي ورا غريزته.. ف تستدرجه لحد ما يتفتن بجمالها ففي الآخر يقع ويكون مصيره انها تقتله وتاخد جزء من جسمه وهو الكبد والقلب وتروح وكلاه!....



عيشة قنديشة,أسطورة عائشة قنديشة,عائشة قنديشة,الجنية عيشة قنديشة,من هي عيشة قنديشة,غموض عائشة قنديشة,أسطورة عيشة قنديشة,قنديشة,قصة عيشة قنديشة,عيشة قنديشة حقيقية,الأسطورة المغربية عائشة قنديشة,عيشة قنديشة في المغرب,من هي عائشة قنديشه,عايشة قنديشة,عيشة قنديشة فيلم مغربي,أشهر أسطورة مغربية,حسن هاشم عائشة قنديشة,أسطورة,أسطورة الرعب المغربية,ظهور عيشة قنديشة,عائشة قنديشة حقيقية,عائشة قنديشة في المفرب,اسطورة عائشة قنديشة,عيشة قنديشة 2m




عيشة قنديشة ليها اكتر من اسم ولقب؟ وبيختلف اسمها على حسب المنطقة اللي فيها الأسطورة؟ من الألقاب دي ( لالة عيشة) او ( عيشة الكناوية) وكمان اسم ( سيدة المستنقعات) واخيرا اشهر اسم ليها ( عيشة قنديشة) ويقال ان لو انت بس نطقت باسمها هنا هتحل اللعنة عليك لعنة عيشة قنديشة!..



تعالوا أما نعرف مع بعض الحكايات والاساطير اللي انتشرت عليها ومنين بدات؟! 



لو انت واحد متجوز هتكون اكتر عرضة للعنتها! عيشة بتاخد شكل ساحرة عجوزة شكلها مخيف جدا.. وبتكره انها تشوف اي اتنين متجوزين.. لازم تلف وتدور حواليهم لحد ما تخلق بينهم المشاكل... يعني انت لو شافتك زوج متوافق مع مراتك وبتحبها جدا.. مش هتسيبك غير لحد ما تفرق بينكم! فلو انت رحت زيارة للمغرب ومعاك مراتك وصادفت انك قابلت ست عجوزة عماله تحوم حواليك اوعاك تأمن لها.. دي مش هتسيبك غير وانت منفصل عن مراتك! دي ممكن كمان توصلك انك تقتلها!..



عيشة امرأة جميلة جدا مفيش راجل مهما كان قوته يقدر يقاوم جمالها وفتنتها! لدرجة ان الراجل من دول بينخدع بجمالها ومبيكونش شايف او ملاحظ حاجة مهمة جدا فيها؟ بالرغم انها جميلة جدا بس رجليها اكتر حاجة مرعبة ممكن تشوفها؟ رجليها عبارة عن حوافر ماعز او جمل او بغل!🦓...



ده أضاف للأسطورة اسم جديد وهو ( بغلة الروضة) أو ( بغلة القبور) فلو انت استسلمت ليها قول على نفسك يا رحمان يارحيم! هتستدرجك لحد ما تروح معاها في مكان مهجور وبعدها تروح ظهر لك بمظهرها الحقيقي اللي هيكون مرعب جدا.. وبعدها تقتلك وتروح منتزعة كبدك وقلبك وتكلهم!... 




كل دي أساطير شعبية بيرددها الأجداد ، لكن هل شخصية ( عيشة قنديشة ) شخصية موجودة فعلا في التاريخ ولا هي مجرد اسطورة خيالية من اختراع الاجداد المغاربة؟! تعالوا نبحث مع بعض في التاريخ عن عيشة قنديشة...



بعد بحث كبير قام به اكتر من عالم بالمغرب.. تعددت الروايات والحكايات عن حقيقة عيشة قنديشة.. واكتر من عالم اثبت انها فعلا شخصية حقيقية وموجودة في التاريخ المغربي؟



بيقولو ان عيشة هي الكونتيسة ( عيشة الموريسكية) من عائلة نبيلة اتطردت هي وعائلتها من الأندلس ( إسبانيا) حاليا.. والكونتيسة عيشة كانت شخصية ليها مجد جبير سبب حربها ضد الاحتلال البرتغالي وكانت بتقتل جنوده.. معني كلمة ( الموريسكية) هما المسلمين اللي فضلو في اسبانيا بعد ما سيطر الصليبيين عليها.. وحسب كتب التاريخ أن تم ترحيل الموريسكيين اللي رفضوا انهم يدخلوا في الدين المسيحي.. هجروا لقارة أفريقيا في القرن ال 15 ميلاديا..



عيشة من ضمن الناس اللي اتهجروا من اسبانيا.. وجوزها مات في الحرب ضد البرتغالي.. فهي قررت انها تنتقم من لعائلتها اللي اتطردت وجوزها اللي مات.. فكانت بتستدرج الجنود وتروح واخداهم للوديان والأماكن المهجورة والمستنقعات.. لحد ما بقى هنا تقتلهم بطريقة محترفة جدا.. كانت بتستخرج القلب والكبد وتاكلهم وتسيبهم مرميين..




زاد اختفاء الجنود والرعب سيطر ع كل الجنود اللي في المستعمرات الحربية.. لدرجة أن الجنود بقو يؤمنوا ان عيشة مش من البشر بل هي من الجنيات!... 



رواية كمان بتقول ان عيشة انصدمت بموت جوزها على ايد الغزاة في المغرب.. فهي هنا اخدت العهد على نفسها انها مش هتسيب تار  من قتل جوزها.. كانت عيشة بتستخبى طول النهار وتظهر ف الليل ف المغارات والمستنقعات.. كانت بتظهر وجسمها متغطي بالطين.. بتستدرج جنود البرتغال وبعدها تقتلهم وتقطع جثثهم.. وبعدها بتاخد الكبد والقلب تكلهم  وترجع تاني للميه لحد ما يجي الليل وتظهر!... 



وف حكاية كمان بتقول ان كان في بنت جميلة جدا.. من عائلة غنية جدا.. البنت دي حبت شاب فقير... الشاب الفقير مكنش بيحبها هو كان بيوهم البنت الغنية انه بيحبها لانه طمعان في ثروة عائلتها! يعني كان عايز يتجوزها عشان يعيش في عز عائلتها!... 



عائلة البنت موفقوش على ان بنتهم تتجوز من الشاب الفقير لأنهم كانوا واثقين ان الشاب مكنش بيحبها بل كان بيحب مالها!.. البنت اصرت انها هتتجوز الشاب الفقير.. هربت من بيتهم وراحت للشاب الفقير.. لكن الشاب أول ما عرف انها هربت من عائلتها سابها ؟! أتخل عنها لانه مش هيعيش في عز عائلتها بعد ما هربت وسبتهم!...



ومن هنا البنت حزنت حزن شديد.. على مدار سنين طويلة كانت بتقعد على شاطئ البحر وتفضل تعيط عند المكان اللي كانت بتتقابل مع حبيبها سابقا.. كانت بتقعد على الشاطئ وتبكي حزنا على خيانة حبيبها لحد ما ماتت من الحزن والقهر ! ومن هنا بدأت الأسطورة؟ خرجت من المكان اللي ماتت فيه البنت.. جنيه بتكره الرجال.. وكانت وهي عيشة قنديشة!... وكتير من الناس بيقولو ان عيشة قنديشة مش من البشر.. هي من الجن!...



وآخر حكاية معانا بتقول ان كان في عالم آثار اسمه "احمد" كان عنده بنوته اسمها " زهرة" دايما ابو زهرة كان بياخدها معاه ف الاجازة عشان هي كانت بتحب جدا الاماكن السياحية... وفي إحدى سفرياته اخد بنته "زهرة" لقرية في المغرب مشهورة بحكايات "عيشة قنديشة" عالم الآثار ده كان رايح للكشف الأثري.. كان بيحفر في مكان مع مجموعة من مسؤولي الآثار  وقتها ف المغرب.. المهم الناس وأهالي القرية كانوا بيحذروه أنه يحفر في المنطقة دي لان عيشة بيقولو انها هنا! فعلا بعد الحفر بدأ انه يحلم باحلام غريبة جدا ولما كمان رجع مصر بدأت بنته "زهرة" تتغير ويحصل معاها حاجات اغرب؟ بعدها  بشهر بالظبط  من البعثة بتاعته للمغرب و رجوعه لمصر.. بنته بدأت يظهر عليها حاجات غريبة زي مثلا انه يبقى منيمها على السرير والصبح يجي يصحيها يلاقي هدومها كلها متغرقة دم!...



بعد كده أبو زهرة اخد بنته لبعثة فى الواحات برضه لحفر واكتشاف الآثار المدفونة... هناك بقى بدات الناس تختفي؟ بدأوا أهالي الواحات او المنطقة اللي كان فيها عالم الآثار مع بنته زهرة .. يحصل حوادث اختفاء غريبة للأهالي! وكان فيه منهم اللي كان بيموت بطريقة غامضة! كل اللي كان بيختفي شباب بس مفهمش بنات خالص!...



طبعا اللي كان بيعمل كل ده هي عيشة قنديشة اللي متلبسه البنت زهرة بنت عالم الآثار المصري!.....


تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -