ملخص اللي بيحصل في سوق السيارات تخفيضات تصل الى 26.000 جنيه
فئة العربيات الاقتصادية اللي دايماً مهتمين بيها و بنعمل فيديوهات عنها بتتغير حرفياً
رينو لوجان 2020
رينو دخلت بتقلها في المنافسة امبارح قبل ما السوق يضيع منها و أعلنت السعر الرسمي لرينو لوجان 2020 عربيتها الأكثر مبيعا 165 الف جنيه سعر اول فئة مانيوال بعد ماكانت ب 188 الف جنيه.
و 188 الف جنيه سعر اول فئة اوتوماتيك بدل 213 الف جنيه.
لادا جرانتا 2020
وقبلها بأسبوع نزل الجيل الجديد من لادا جرانتا بسعر 158 الف جنيه للمانيوال و 178 الف جنيه للأوتوماتيك علشان تبقي أرخص عربية زيرو موجودة في السوق المصري و العربيات اللي بعدها بتلعب في رينج سعر ال ٢٠٠ الف ماعدا الاريزو و كانت بتيجي في ال ٢٠٠ بعد الاوفر للاسف ، و لسه الجرانتا هتقول هييييه وتمسك مبيعات في السوق اتفاجئت بسعر الرينو اللي نزل ل ١٨٨ الف جنيه الاوتوماتيك والفرق بينهم بقي
10,000 الف جنيه بس !!
- من وجهة نظري المنافسة اللي بتحصل دلوقتي علي مين يمسك الفئة الاقتصادية دي في صالحنا جدا و هتخلي الشيري اريزو ترجع تاني بسعرها اللي كانت نازلة بيه بعد ماحصل عليها زيادة في السعر واوفر برايس وحاجات غريبة كده
وبقت المنافسة دلوقتي بين ( لادا جرانتا - رينو لوجان - شيري اريزو )
و هيخرج من المنافسة (الصني - والساجا كده كده بره اصلا - والافيو - الاوبترا )
الا اذا حصل عليهم خصومات ودخلوا المنافسة تاني .