عماد لمحكمة الأسرة: خطيبتي باعت الشبكة عشان حبيبها يعمل مشروع ويتجوزها
ساقه حظه العثر إلى السقوط في طريق بنت استغلت حبه القوي لها، وطلبت "شبكة" بمبلغ ضخم، لم يتردد "عماد " للحظة واحدة بل قدم لها ما طلبت، لتقوم البنت بخداعه وتبيع شبكتها وتسلم الأموال لحبيبها السابق ليبدأ مشروعه، ثم يتزوجا.
"جبتلها شبكة بـ 47 ألف جنيه، وبعد الخطوبة بـ خمسة أشهر قالتلي إن الشبكة كانت واخدها توزنها لدى الجواهرجي عشان عايزة تغيرها، واتسرقت منها ومش عارفة تعمل إيه، كانت بتعيط بدموع ومنهارة وهي بتقولي وتقول بابا لو عرف هيدبحني، لدرجة إني صدقتها"، كانت تلك مفردات "عماد . م" ثلاثين عاما، أمام محكمة الأسرة في مدينة سمنود محافظة الغربية، بعد أن أقام دعوى "رد شبكة" ضد خطيبته يطالبها فيها بثمن الشبكة المسجلة في فاتورة الشراء والتي تقدر بـ 47 ألف جنيه.
يقول عماد في تصريحاته لـ "ابو عمر نيوز "، إنه كان يحب خطيبته منذ 7 أعوام وسافر للعمل بالخارج حتي يستطيع من الزواج منها وحينما رجع من سفره تقدم لها ووافق على شروطها والتي كان أولها الشبكة: "قالتلي أنا عايزة شبكة حلوة أفخر وأعتز بها قدام صحابي كلهم جايلهم شبكة كبيرة وأنا مش عايزة أبقى أقل من بينهم، تقبلت وكنت بعملها أى مطلب تطلبها، حتي مصروفها كنت بديلها أسبوعياً خمسمائة جنيه، وأقول عشان تجيب اللي عايزاه".
وتابع حواره بأن أبوها حينما تقدم لخطبتها صرح له إن الشبكة تبرع العريس لعروسته ولم يشترط عليه أي شيء، غير أن خطيبته نفسها كانت كثيرة الطلبات ومع هذا لم يكن يتضرر منها: " كنت بجيب اللي بتطلبه وأنا سعيد وفاكر إنها بتحبني وبتطلب مني كل حاجة، مكنتش أعلم إنها بتستغلني، لحد ما في واحدة صاحبة بنت عمي كانت مرتبطة بصاحب الواحد اللي خطيبتي باعتله الدهب (حبيبها) وهو قالها اللي هي عملته، فقالت لبنت عمي عشان تحذرني".
واستكمل "عماد " أنه حينما واجهها بهذا الكلام نفت، فأخذها معه وذهب إلى الجواهرجي: "خدتها وروجت للجواهرجي اللي قالولي عليه وفعلا طلعت باعت الدهب وقالي كان معاها شخص هو اللي خد الفلوس وأنا كنت فاكر إنه جوزها".