طريقة شحن كارت عداد الكهرباء بالموبايل بالفيزا بخاصية NFC

ببرنامج GTPAY

كل حاجة دلوقتي بالفيزا

ملحوظة : لو الكارت قديم بتغيره من شركة الكهرباء بكارت NFC مجانا

ومش بس كدة بالخاصية ديه انت ممكن تقرا كروت الفيزا بتاعتك

وتشوف المعاملات الي تمت عليها زي ما تكون حطيت الفيزا في ATM

لان الكروت الحديثة فيها شريحة NFC بتتسجل عليها البيانات

تتقري عن طريق تلفون فيه NFC

بعد تنزيل البرنامج من هنا

حتفتحه وتختار تفاصيل الاستهلاك

حتقرب الكارت من ظهر التلفون وتحركه ببطئ حتلاقيه قرا بيانات الكارت

طبعا الكارت الجديد الي فيه NFC

حيجبلك اخر معاملات على الكارت واخر شحن واخر رصيد

وشوية تفصايل تانية

بعدها تختار شحن الكارت

هنا تسيب الكارت عادي وتستخدم الموبيل بس

حتختار نوع الفيزا بتاعتك

وتكتب البيانات بتاعتها

متخفش طبعا لانه برنامج رسمي من شركة الكهرباء

حيقولك في اخر صفحة بيانات الفيزا

قيمة الخصم

يعني 100 ب 105

يعني1000 ب 1015

يعني 3000 ب 3060

انا مش فاهم ازاي بيخصم عمولة بالشكل ده بس ده الي لقيته

بعد مدوس موافق

حيقولك تم خصم المبلغ بنجاح

اضغط لنقل الشحنة للكارت

هنا تدوس على نقل الشحنة للكارت وترجع الكارت تاني تحطه على ظهر التلفون

حيقولك تم نقل الشحنة للكارت بنجاح

لو حاولت تقرا الكارت مش حيجبلك اي معلومات جديدة

لازم تدخل الكارت العداد تفضي الشحنة فيه

وقتها تخرجه وتقراه بالبرنامج

حيجبلك تفصايل الشحنة والاستهلاك وباقي البيانات

وبكدة تشحن في البيت في اي وقت ولو حتى ب 10 جنيه