القصة الحقيقية لسفاح الجيزة بقلم الكاتب محمد مهني

سفاح الجيزة شخصية حقيقية مش مجرد شخصية في مسلسل.. واسمه الحقيقي قذافي فراج المعروف باسم سفاح الجيزة.. تعالو نعرف مين هو سفاح الجيزة الحقيقي؟! 

سفاح الجيزة

سفاح الجيزة كان مجرم زكي ودرس القانون في كلية الحقوق وده اللي خلاه يفلت من العقاب لمدة خمس سنين وده لانه كان كل ما يعمل جريمة يتخفى بانه كان بيعمل لنفسه بطاقة جديدة وباسم جديد.. 

قذافي كان من سكان الجيزة وكان عنده مكتبة وكانت شغاله بنت عنده في المكتبة اسمها ( نادين) قذافي دخل مع نادين في علاقة غير شرعية.. وبعد فترة قذافي حب اخت نادين وحب انه يعمل معاها علاقة زي اختها لكن هي رفضت وقالت له عايزني تعالى اتقدم لي.. قذافي ماكدبش خبر فقرر انه يتقدم ويخطبها بس لما نادين عرفت عملت معاه مشكلة كبيرة وهددته انها هتفضحه.. ف قذافي استدرج نادين عنده للشقة اللي كانت في منطقة بولاق عشان ينهوا مشاكلهم مع بعض.. ولما البنت راحت له شربها عصير وكان فيه سم والبنت لما السم دخل جسمها اترمت على الأرض وفضلت تتالم وقذافي راح ضربها ب آله حادة وماt ت بعدها! وبعد ما ماt ت راح حفر في اوضة ف الشقة ودفn ها وراح مبلط الشقة تاني ولا كأن حاجة حصلت.. وبذكاء راح قذافي مسك تليفونها وفبرك محادثات هي وشاب على انهم على علاقة مع بعض.. وراح اداها لاهلها وقالهم ان بنتهم هربت مع الشاب ده لدبي عشان تشتغل معاه في التمثيل.. اهل نادين صدقو فعلا قذافي.. ومش كده وبس ده اتجوز اخت نادين لكن ماعشوش مع بعض كتير وانفصلوا.. وبعد ما انفصلو قذافي كان ليه صديق من الطفولة اسمه ( رضا) كان شغال بره مصر ومعاه فلوس كتير.. 

ف قذافي اتصل بيه واقنعه انه ممكن يسثتمر فلوسه ف العقارات ومكسبها كويس.. رضا صدقه وبعت ليه مبلغ كبير.. وكمان عمل له توكيل انه يتقدر بتصرف ف املاكه الخاصة ف مصر.. وبعد فترة رضا اتصل بيه عشان يطمن على فلوسه لكن حس انه بيماطل معاه فقرر انه ينزل مصر عشان يطمن ع فلوسه.. ولما نزل وقابل قذافي دعاه لبيته عشان يخلصو مشاكلهم.. لكن قذافي كان مرتب للجريm ة التانية.. قتله بنفس الطريقة اللي قتل بيها نادين.. شربه عصير واكل مسموم وبعدها ضربه باله حادة.. وبعد ما ماt حط جثt ه ف شنطة كبيرة ونقلها لشقته ف بولاق وحفر ف نفس الاوضه المدفون فيها نادين.. ودفن فيها رضا صاحبه.. وبعد ما خلص منه اهل رضا بدأوا يدور عليه.. فهو بقى بعت لهم رساله من رقم مجهول على انه. رضا وقال فيها انه اتقبض عليه في مظاهرة ومايعرفش هو فين!.. 

اهله بقى فضلوا يدوروا عليه ف السجون كتير وطبعا مكنش ليه أثر وعملوا بلاغات كتير باختفاءه... 

قذافي بقى ماوقفش ده انتحل كمان شخصية صاحبه رضا بانه زور ورق ع انه هو رضا وعاش باسمه واتجوز ست اسمها فاطمة وعاش معاها ست شهور وقt لها بعد ما اكتشفت بالصدفة بطايق كتير باسماء مختلفه فعرفت انه نصاب وهددته انها هتبلغ عنه.. قذافي خاف يتكشف فقt لها!.. 

قذافي كان قاعد في الوقت ده عايش في شقة صاحبه رضا اللي قt له.. ف ظهرت اخت رضا وكانت على طول بتدور عليه لدرجة انها لما تشوف حادث تروح تشوف الج ثة يمكن يعني يكون ج ثة اخوها.. ف هي عرفت ان رضا كان ليه صديق وحيد اسمه قذافي فسالت عليه وعرفت انه عايش في شقة اخوها اللي في بولاق.. ف هي استغربت ليه عايش فيها.. ولما سالت اهلها قالولها انه اشتراها من رضا قبل ما يختفي.. وهو اللي قالهم ان رضا اتقبض عليه في مظاهره ومايعرفش هو فين.. ف قذافي عرف ان العيون هبتقى عليه عشان هو صديقه الوحيد ف هرب لاسكندرية واتعرف هناك على ست واتجوزها باسمه المزيف رضا.. وفتح بالفلوس اللي اخدها من رضا محل للاجهزة الكهربائية واتعرف على ست واوهمها انه بيحبها واتجوزوا.. وقدر يقنعلها انها تبيع بيت قديم ملكها وتشاركه ف المحل.. وفعلا باعت البيت وادته 45 الف جنية.. ولما حست انه نصب عليها طلبته بالفلوس فرفض وقالها خدي بيها بضاعه.. فعلا وافقت فاخدها للمخزن وهناك قt لها ودفنها ف المخزن!.. 

وبعد فترة اتعرف على دكتورة صيدلانية واتجوزها وخلف منها طفل وعاش معاها حياة مستقرة لحد سنة 2019 لحد ما قرر يسرق فيلا ابو مراته.. اخت مراته كانت منتقبه فلبس لبس منتقبه ودخل الفيلا وسرق منها دهب وفلوس ب 750 الف جنية! ابو مراته عمل محضر سرقه ولما فرغوا الكاميرات شافو ست منتقبه دخلت للفيلا وخرجت ومعاها شنطة كبيرة.. وبعدها دخلت مكان تاني وخرج قذافي ومعاه نفس الشنطة! ف اتقبض على القذافي واعترف انه سرق واتحاكم بسنه سجن لكن باسم رضا! ولما حاول يهرب من المحكمة اتحاكم عليه بتلات شهور كمان.. وفي نفس الوقت اخت رضا كانت بتدور على اخوها ف لقيت محضر في قسم سدي جابر بالاسكندرية.. ف هي كانت فكراه اخوها رضا لكن لما قبلته اكتشفت انه قذافي صديق اخوها رضا! لكن الغريب ان قذافي اثر انه هو رضا ف المحكمة قررت تعمل تحليل ال DNA ومع الضغط عليه اعترف انه مش هو رضا وانه قذافي واعترف على نفسه بكل الجرايم عشان يقع اخطر واذكى سفاح في مصر.. 

وبعد كده الشرطة اكتشفت انه انتحل 7 شخصيات بعد ما قt لهم.. ف اتحاكم واتصادر عليه 7 احكام بالإعدام ولسه لم تنفذ إلى الان!... 

متخيلين الذكاء راح بيه لفين انه يقt ل ويزور اسم الضحية ويعيش باسمه وده خلاه بزور 7 بطايق باسماء مختلفه وعايش عادي مع الناس.. كل اللي عاش معاه واتكلم مع قذافي قالو انهم مش مصدقين انه يعمل كده لانه كان طيب معاهم!.. 

انت ممكن يكون عايش معاه جنب منك سفاح لكن انت ماتعرفش حاجة!..